దేశభక్తి గేయాలు

సారే జహాసె అచ్చా!

సారే జహాసె అచ్చా - హిందుస్తా హమారా,
హం బుల్ బులే హై ఇస్‌కీ
యే గుల్ సితా హమారా,హమారా.

పర్ బత్ వో సబ్‌సే ఊంచా
హంసాయ ఆస్‌మాకా
వోసంతరీ హమారా - వో పాస్వా
హమారా,హమారా.

గోదీమె భేలిలీ హై
ఇస్‌కీ హజార్ నదియా
గుల్షన్ హై ఇస్‌కేదమ్ సే
రష్‌కేబినా హమారా, హమారా.

మజ్ హబ్ నహీ సిఖాతా
ఆపస్‌మే బైల్ రఖనా
హింధీ హై హం(3) వతన్ హై
హిందూ సితా హమారా,హమారా.

సారే జహాసె అచ్చా...

రచన : ఇక్బాల్

భరత మాత

నగర మాంధాత్రాది షట్చక్రవర్తుల

యంకసీమల నిల్చినట్టి సాధ్వి

కమలనాభుని వేణుగానసుధాంబుధి

మునిగి తేలిన పరిపూతదేహ

కాళిదాసాది సత్కవికుమారుల గాంచి

కీర్తి గాంచిన పెద్ద గేస్తురాలు

బుద్ధాది మునిజనంబుల తపంబున మోద

బాష్పములిడిచిన భక్తురాలు

సింధు గంగానదీ జలక్షీరమెపుడు

గురిసి బిడ్డల భోషించుకొనుచున్న

పచ్చి బాలెంతరాలు మా భరతమాత

మాతలకు మాత సకలసంపత్సమేత...


రచన : స్వర్గీయ గుర్రం జాషువ

 మా గాంధి  Labels: దేశభక్తి గేయాలు

కొల్లాయి గట్టితే నేమీ
మా గాంధి,
కోమటై పుట్టితే నేమీ?

కొల్లాయి ...

వెన్న పూసా మనసు
కన్నతల్లి ప్రేమ
పండంటి మోముపై
బ్రహ్మ తేజస్సు

కొల్లాయి...

నాల్గు పరకల పిలక
నాట్యమాడే పిలక
నాలూగూవేదాలా
నాణ్యమెరిగిన పిలక

కొల్లాయి...


బోసినోర్విప్పితే
ముత్యాల తొలకరే
చిరునవ్వు నవ్వితే
వరహాల వర్షమే

కొల్లాయి...

చకచక నడిస్తేను
జగతి కంపించేను
పలుకు పలికితేను
బ్రహ్మకౌక్కేను

కొల్లాయి...

వాశికుడు క్షత్రియుడు
కాలేద బ్రహ్మౠషి
నేడు కోమటి బిడ్డ
కూడ బ్రహ్మర్షియే

కొల్లాయి...


రచన : స్వర్గీయ బసవరాజు అప్పారావు

శ్రీలు పొంగిన జీవగడ్డ

శ్రీలు పొంగిన జీవగడ్డయు
పాలు పాఱిన భాగ్యసీమయు
వ్రాసినది యీ భరతఖండము
భక్తి పాడర;తమ్ముడా!

వేదశాఖలు పెరిగె నిచ్చట
ఆదికావ్యంబందె నిచ్చట
బాదరాయణ పరమ ఋషులకు
పాదు సుమ్మిది చెల్లెలా!

విపిన బంధుర వృక్షవాటిక
ఉపనిషన్మధు వొలికె నిచ్చట
విపుల తత్వము విస్తరించిన
విమల తలమిదె తమ్ముడా!


సూత్ర యుగముల శుద్ధవాసన
క్షాత్రయుగముల శౌర్యచండిమ
చిత్ర దాస్యముచే చరిత్రల
చెఱిగిపోయెనే చెల్లెలా!

మేలి కిన్నెర మేలవించీ
రాలు కరగగ రాగ మెత్తీ
పాల తీయని బాల భారత
పదము పాడర తమ్ముడా!

నవరసమ్ములు నాట్యమాడగ
చివుర పలుకులు చెవుల విందుగ
కవిత లల్లిన కాంత హృదయం
గౌరవింపవె చెల్లెలా!

దేశ గర్వము దీప్తిచెందగ
దేశ చరితము తేజరిల్లగ
దేశ మరసిన దీరపురుషుల
తెలిసి పాడర తమ్ముడా!

పాండవేయమల పదును కత్తులు
నుండి మెఱసిన మహిత రణకథ
కండగల చిక్కవి. తెలుంగుల
కలసి పాడవె చెల్లెలా!

లోకమంతకు కాక పెట్టిన
కాకతీయుల కదన పాండితి
చీకిపోవని చేవ పదముల
చేర్చిపాడర తమ్ముడా!

తుంగభద్రా భంగములతో
పొంగి నింగిని పొడిది త్రుళ్ళీ
భంగపడని తెలుంగు నాధుల
పాట పాడవె చెల్లెలా!

రచన: రాయప్రోలు సుబ్బారావు

జయ జయ ప్రియ భార 

Labels: దేశభక్తి గేయాలు

జయ జయ జయ ప్రియ భారత జనయిత్రీ, దివ్య ధాత్రి
జయ జయ జయ శత సహస్ర నరనారీ హృదయ నేత్రి
జయ జయ సశ్యామల సు శ్యామ చలాంచ్చేలాంచల
జయ వసంత కుసుమలతా చరిత లలిత చూర్ణ కుంతల
జయ మదీయ హృదయాశ్రయ లాక్షారుణ పద యుగళా
జయ జయ జయ ప్రియ భారత జనయిత్రీ, దివ్యధాత్రి!


జయ దిశాంత గత శకుంత దివ్యగాన పరితోషణ
జయ గాయక వైతాళిక గళ విశాల పద విహరణ
జయ మదీయ మధుర గేయ చుంబిత సుందర చరణా
జయ జయ జయ ప్రియ భారత జనయిత్రీ, దివ్యధాత్రి!


రచన : దేవులపల్లి కృష్ణశాస్త్రి

జన్మభూమి

 

ఏ దేశమేగినా ఎందుకాలిడినా
ఏ పీఠమెక్కినా ఎవ్వరేమనిని
పొగడరా నీ తల్లి భూమి భారతిని
నిలుపరా నీ జాతి నిండు గౌరవము
ఏ పూర్వ పుణ్యమో, ఏ యోగబలమో
జనియించినాడ ఏ స్వర్గఖండమున
ఏమంచి పూవులన్ ప్రేమించినావో
నిను మోసే ఈ తల్లి కనక గర్భమున
లేదురా ఇటువంటి భూదేవి యెందు
లేరురా మనవంటి పౌరులింకెందు
సూర్యుని వెలుతురుల్ సోకునందాక
ఓడల జెండాలు ఆడునందాక.
అందాకగల ఈ అనంత భూతలిని
మన భూమి వంటి చల్లని తల్లి లేదు
పాడరా నీ తెలుగు బాలగీతములు
పాడరా నీ వీర భావ భారతము.
తమ తపస్సులు ఋషులు ధారవోయంగ
శౌర్యహారము రాజచంద్రులర్పింప
భావ సూత్రము కవిప్రభువు లల్ల్లంగ
రా దుగ్ధము భక్తరత్నముల్ పిదుక.
దిక్కుల కెగదన్ను తేజమ్మువెలుగ
రాళ్ళ తేనియలూరు రాగాలు సాగ
జగముల నూగించు మగతనం బెగయ
సౌందర్యమెగ బోయు సాహిత్యమలర
వెలిగినదీ దివ్యవిశ్వంబు పుత్ర
దీవించె నీ పుణ్యదేశంబు పుత్ర
పొలముల రత్నాలు మొలిచెరా యిచట
వార్ధిలో ముత్యాలు పండేరా యిచట.
పృధివి దివ్యౌషధుల్ పిదికెరా మనకు
కానల కస్తూరి కాచెరా మనకు
అవమానమేలరా? అనుమానమేల?
భారతీయుడనంచు భక్తితో పాడ.


రచన : రాయప్రోలు సుబ్బారావు

మేరే దేశ్ కి ధర్తీ

 

Movie Name: Upkar (1967)
Singer: Mahendra Kapoor
Music Director: Kalyanji Anandji
Lyrics: Gulshan Bawra

మెరె దేశ్ కి థర్‌తి సోనా ఉగలె, ఉగలె హీరె మోతీ
మెరె దేశ్ కి థర్‌తీ ...

మెరె దేశ్ కి థర్‌తీ సోనా ఉగలె, ఉగలె హీరె మోతీ
మెరె దేశ్ కి థర్‌తీ ...

బైలో కె గలె మె జబ్ గుంఘరూ జీవన్ కా రాగ్ సునాతె హై
!!జీవన్ కా రాగ్ సునాతె హై!!

గం కొస్ దూర్ హొ జాతా హై...కుషియో కె కవల్ ముస్కాతె హై
!!కుషియో కె కవల్ ముస్కాతె హై!!

సున్‌కె రహెత్ కి ఆవాజే..సున్‌కె రహెత్ కి ఆవాజే
యు లగె కహి షహనయి బజె
!!యు లగె కహి షహనయి బజె!!

ఆతె హి మస్త్ భహారె కె....దుల్‌హన్ కి తరహ్ హర్ కేత్ సజె
!!దుల్‌హన్ కి తరహ్ హర్ కేత్ సజె!!

మెరె దేశ్ కి థర్‌తీ సోనా ఉగలె, ఉగలె హీరె మోతీ
మెరె దేశ్ కి థర్‌తీ ...

జబ్ చలతెహై ఇస్ థర్‌తీ పె హల్ మమతా అంగడాయియా లేతి హై
!!మమతా అంగడాయియా లేతి హై!!

క్యూ నా పూజె ఇస్ మాటి కొ, జొ జీవన్ కా సుఖ్ దెతీ హై
!!జొ జీవన్ కా సుఖ్ దెతీ హై!!

ఈస్ థర్‌తీ పె జిస్నె జనం లియా, ఉస్నె హి పాయా ప్యార్ తెరా
యహా అపనా పరాయా కొయి నహి హై సబ్ పె హై మా ఉపకార్ తెరా
!!హై సబ్ పె హై మా ఉపకార్ తెరా!!

మెరె దేశ్ కి థర్‌తీ సోనా ఉగలె, ఉగలె హీరె మోతీ
మెరె దేశ్ కి థర్‌తీ ...

యె బాగ్ హై గౌతం నానక్ కా... ఖిలతె హై అమన్ కె ఫూల్ యహా
!!ఖిలతె హై అమన్ కె ఫూల్ యహా!!

గాంధీ, సుభాష్, టాగొర్, తిలక్, ఐసె హై అమన్ కె ఫూల్ యహా
!!ఐసె హై అమన్ కె ఫూల్ యహా!!

రంగ్ హరా హరీ సి నలవె సే....రంగ్ లాల్ హై లాల్ బహాదుర్ సే
రంగ్ బనా బసంతీ భగత్ సింగ్... రంగ్ అమన్ కా వీర్ జవాహర్ సె

మెరె దేశ్ కి థర్‌తీ సోనా ఉగలె, ఉగలె హీరె మోతీ
మెరె దేశ్ కి థర్‌తీ ...

దేశభక్తి-గురజాడ

దేశమును ప్రేమించుమన్నా
మంచి అన్నది పెంచుమన్నా.
వొట్టిమాటలు కట్టిపెట్టోయ్
గట్టి మేల్ తలపెట్టవోయ్ !


పాడిపంటలు పొంగిపొర్లే
దారిలో నువ్వు పాటుపడవోయ్,
తిండి కలిగితే కండకలదోయ్
కండగలవాడేను మనిషోయ్ !


ఈసురోమని మనుషులుంటే
దేశమే గతి బాగుపడునోయ్ ?
బల్దుకొని కళలెల్ల నేర్చుకు
దేశి సరుకులు నించవోయ్ !

అన్ని దేశాల్ క్రమ్మవలెనోయ్
దేశి సరుకులు నమ్మవలెనోయ్
డబ్బు తేలేనట్టి నరులకు
కీర్తి సంపద లబ్బవోయ్ !


వెనుక చూచిన కార్యమేమోయ్
మంచి గతమున కొంచెమేనోయ్
మందగించక ముందు అడుగేయ్
వెనుకపడితే వెనెకెనోయ్ !

పూను స్పర్ధను విద్యలందే
వైరములు వాణిజ్యమందే
వ్యర్ధకలహం పెంచబోకోయ్
కత్తివైరం కాల్చవోయ్ !

దేశాభిమానం నాకు కద్దని
వొట్టి గొప్పలు చెప్పుకోకోయ్
పూని యేదైనాను వొక మేల్
కూర్చి జనులకు చూపవోయ్ !


ఓర్వలేమి పిశాచి దేశం
మూలుగులు పీల్చే సెనోయ్
ఒరుల మేలుకు సంతసిస్తూ
ఐకమత్యం నేర్చవోయ్ !



పరుల కలిమికి పొర్లి యేడ్చే
పాపి కెక్కడ సుఖం కదోయ్
ఒకరిమేల్ తన మేలనెంచే
నేర్పరికి మేల్ కొల్లలోయ్ !

సొంత లాభం కొంత మానుకు
పొరుగువాడికి తోడుపడవోయ్
దేశమంటే మట్టికాదోయ్
దేశమంటే మనుషులోయ్ !

చెట్టపట్టాల్ పట్టుకుని
దేశస్థులంతా నడవవలెనోయ్
అన్నదమ్ముల వలెను జాతులు
మతములన్నీ మెలగవలెనోయ్ !

మతం వేరైతేను యేమోయ్ ?
మనసు లొకటై మనుషులుంటే
జాత మన్నది లేచి పెరిగీ
లోకమున రాణీంచునోయ్ !

దేశమనియెడి దొడ్డవృక్షం
ప్రేమలను పూలెత్తవలెనోయ్
నరుల చెమటను తడిసి మూలం
ధనంపంటలు పండవలెనోయ్ !

ఆకులందున అణగి మణగీ
కవిత కోయిల పలకవలెనోయ్,
పలుకులను విని, దేశమందభి
మానములు మొలకెత్తవలెనోయ్.